والله لأصنَعلچ تمثال .........وأنصبَه بأعلى الجبال
عيونچ انحتها بفرجال ......طابع يحلي كل مرسال
وانقش بالسما مَوال............حبي الچ مو زَوال
ولا گلبي عاشق جوال
عيوني ابنيلچ قصور...........وعُش من يَشّب وفرفور
تدفأ بيه كل الطيور..............وماتهزّه ريح وسحور
ومن الخالق نِعمَة ونذور
والشفة أخّطها بقادود...........ورجلين أنسّخ من العامود
وصدر أرسم من الورود.......ومن عطرَه أنقش الزنود
وماأرسم للجمال حدود
ورموش احلى من عَظم العاج.....تحَلي الكحل والمكياج
واحلى مَلِكة من غير تاج.............وللحُب رَمز ومن غير باج
لو شافهة الملك جَّن وهاج
الخميس يوليو 29, 2010 11:38 am من طرف AL7LWA
موضوع: شلون ارسمچ؟ بقلم الشاعر المبدع نهاد حناني 
