اشيقر هم رجعنا للغوه الزايده

مشرف عدد المساهمات : 439 تاريخ التسجيل : 13/08/2009

اشيقر هم رجعنا للغوه الزايده

شبكة المنصور

شلش العراقي

تعالي خاله نورية ، تعالي نحجي شويه ، عن حرامي مصرف الزوية ، هلـ أيام صاف وي اشيقر سويه ، علباته جنها سدة الهندية ، بنص اتلاف الحرامية ، البارحه أي البارحه اعلنو قائمتهم الانتخابية ، من بقايا الامم الايرانية والباكستانية ، ولكم صدك ما تستحون ولا قطرة خجل بوجوهكم الزفرة ، بعد دماء اطفال الصالحية ما جفت ونص الضحايا مدفونين تحت الانقاض واحدهم يسوه مليون اتلاف لا والله مليار اتلاف وانتم بوجوهكم القذرة تسون مؤتمرات صحفية ، صجيجه ، دهر لطركم ، مصيبه لفتكم ، مابيكم شريف لا والله ، اشيقر البكستاني وهو وبدلته اللكف محدد لحيته و يعلن اسماء شلة الحرامية بقائمة الصكاكه ،اتلاف اهل النهب والسلب والحواسم والعلاسه والقفاصة وجماعة الخواتم وحاضر مولاي وعلى راسي سيدنا ، أتلاف الحجي الفارغ والكلام الماصخ ، المهم القصة والسالفة والحجاية والرواية والمعظله والاحجية والنكته والحزورة والفزورة ، انه الاشيقر يعود للواجهة من جديد بعد أن التم على بقايا اتلاف النهب والسلب حسب قاعده سياسية شهيرة الي ياخذ امي اصيحله عمي ، وبما ان المالكي والحكيم صارت بيناتهم بالقنادر والمالكي طكوله سفن اب وغنوله بصوت واحد يملؤه الايمان ( شفن اب دك الباب صاحوله بيبسي والكراش بالفراش ياكل ويبجي ) ،

هسه شدوا روسكم يا كرعان رجعنا للتصفيط والحسجة الي عمرها ما بنت بلد ولا خلت طابوكة على طابوكة رجعنا لاكلان (الخـ.....) والحجي الفاضي مال اشيقر ابو المحابس ، وراح يتكابلون علينه اشيقر وابو صماخ ومحابسهم عبالك احنه بفيلم سيد الخواتم ، لا بيهم نفع ولا بيهم دفع لا بيهم رفع طاح حظهم شلع ، ولكم شتريدون مو حتى رمضان الي الناس تتعبد بيه انتم تفجرون بيه وكلها على هالكراسي الوصخه ، اسمع اشيقر واسم المالكي اريد احجيلكم فد حجاية مو اني هم اريد اصفط قابل التصفيط بس الك أي باكستاني ابن الباكستاني ، مو تكولون احنه واحنه وعدنه شهادات بتخريم السبح واقتناء المحابس اكيد راح تفهموها ، اكو طفل سأل ابوه : بويه يرحم جدي شني هذا الفساد السياسي ؟ ، ولان ابوه دعوجي ولغوجي مثل الجعفري كله ابني شلك بهلـ سوالف التعبانه اكيد جاي تشوف الجزيرة هالايام هواي ، ومع ذلك راح احجيلك ، فتح الابن عيونه واذانه وخشمه وحتى (......) وكال احجي بويه ، الاب طبعا واحد بياع كلام وما يشتهي يتفلسف كله : اني اصرف على البيت يعني ممكن تسميني الرأسمالية ، وامك تنظم شؤون البيت فنسميها الحكومة ، و انت تحت تصرفها فنسميك الشعب و اخوك الصغير فنسميه المستقبل لان هو املنا لان انت ما بيك أي فايده وعار ابن عار ، اما الخادمة الي تشتغل عدنا فنسميها القوى الكادحة ، هنا الابن داخ وما افتهم ولا كلمه لان ابوه نفسه ما يفتهم القصة مثل اشيقر ، الابن ظل يتكلب بالليل وعيونه ما غمضت ، وبده بفتر بالبيت يضرب اخماس في اسداس فسمع اخوه الصغير يبجي راح شافه لكاه مسويها بحفاضته فراح يكعد امه لكاها بسابع نومه واستغرب لان ابوه طافر من سرير الزوجية فراح يدور على ابوه الفلته فلكاه بغرفة الخدامة فدك الولد الباب بكل ادب وكله بويه هسه عرفت شني الفساد السياسي معناه الرأسمالية تعلب فلك وي القوى الكادحة والحكومة نايمه والسيارات تتفجر من جوه عبايتها والشعب قلقا وتايه وما يعرف شيسوي و المستقبل غارقا بالقذارة ،

يعني مو كافي جذب ولكم لو بيدكم تبيعون الشعب تفصيح لمافيا تجارة الاعضاء وتجيبون كرايبكم من الهند وباكستان وايران ، ولكم بلوه اللفتكم ، شني فرهود خوما فرهود ، البارحه عطيوي لأول مره تبين عليه علامات السكر احتفالا بتأكيد خبر موت شارون العراق عزوز المسرطن اشتعلت صفحته وصفحة الخلفوه ،

عطيوي حاضن التيل ويضحك كتله شبيك عطيوي اغسل راسك اخلي اصبعي بحلكك حتى تزوع وترتاح كلي عيني شلش اني جاي اضحك على نكته تخبل ، اسمع اسمع بروح ابوك ، فد يوم واحد وابنه من اكلة لحوم البشر جاي يمشون بالطريق شافو هيفاء وهبي (ربي لاتجذبني لو اليسا لو هيفاء وهبي ) المهم الولد كل لابو بويه خل ناخذهه وناكله بالبيت الاب كله اي بويه ناخذهه للبيت وناكل امك وانتو راح تجيبون غيرنه واحنه تخلونه وقود للسيارات المفخخه
تفوووووووووووووووووووووووووووووووووو على وجوهكم

شلش العراقي
خيال يسكن خيال
ويتوارى وراء جسد هزيل
نال المرض والقهر منه الشيء الكثير
سرق الطغاة منه الماضي والحاضر والمستقبل والحلم
فقرر ان يفضحهم