يالكلّش رقيق ونظرتكْ سيف
تگص كلمن يريد ايبـاوع اعليك ,
وك غطّي الشعر من يجبل الليل
ويغتاظ الورد لو جبنا طاريك
ولك طگني الجفاف ورايد الماي
من شفتك اريد اشرب واكض بيك ,
تغريد البلابل چنّة مو صوت
كمنجة تگول مو حِس الله منطيك ,
اخافن ينكسر من تمشـي ع الگاع
واذا خصرك كسرتـه منين ادنـّيك ..!!
نور الشمس وجهك يعمي العيون
شلون اتريد اجي گبالك واحاچيــك , !!
ويل عينَك بحر وتغرّگ المـاي ,
المثلك صعب ياهـو اليجاريـك ؟
واذا تبرد تصير خدودك الوان
وخجلان الشتـه ويريد ايدفــّيك ,
ولك بردان وانا ويــاك موجود ..؟
اگص جفون عيني وبيها اغطّيك
الخميس يوليو 29, 2010 11:38 am من طرف AL7LWA
موضوع: شعر غزل 
