الدارمي نوع من انواع الشعر الشعبي العراقي
له وزنه الخاص ويتكون من بيت شعر واحد فقط بصدر وعجز
الصدر والعجز بقافية واحدة
يقال ان هذا النوع من الشعر اول من قالته امرأة ذلك لان المجتمع لايعطي وقت كبير للمرأة للتحث لذلك تلخص ماتريد قوله ببيت واحد فقط
والدارمي فيه اصله تعبير عن الالم واللوعة والحزن والحب والشوق ولكن كثير من الشعراء اليوم يكتبونه للضحك كونه محبوب للمتلقي. ولكن الدارمي كتابتا من اصعب انواع الشعر وهو الذي يقال سهل ممتنع
دارميات
من كثر ما مشتاك يمكن انجنيت..
آكل بصل مثروم حسبالي جكليت!
.............
الدهر صاير چاي والدنيا قوري...
ليش اليحب يا هواي ينضرب بوري!
.............
لمن اشوف هواي يخدر شعوري..
خدرت بالفانوس حسبالي قوري!
.............
وين البخت يفلان وتكلي مبخوت..
صرت اشتغل دفان محد رضا يموت!
.............
زين البخت وياك واصل لهل حد...
أحفر كبر للمات كالو عدل رد!
.............
كَالوا بعد سنتين ونوزع بيوت..
تاليها حتى المات ما عنده تابوت!
.............
فيتر صرت يا ناس والعيشه كشره..
وين اليضب الروح بصّـبانه عشرة!
.............
دورلي فيتر زين من روحي مليت
لا بدي لا رنكات بس شاصي ضليت!
.............
من كثر ما مشتاك خبلت نفسي..
اشرب نفط بالكوب حسبالي ببسي!
.............
من كثر ما مشتاق وحبك بنفسي..
وكفت الامريكان حسبالي تكسي!
.............
احول حبيب الروح اثول مطفي
لاكاني عين بعين باس اللي بصفي!
.............
اطبخ وافكر بيك يا حلو العيون
بالمركة اخبط جاي حسبالي معجون!
.............
ليش الرساله وياي عندك خسارة
ماظن خمس سنتات يبنن عمارة!
.............
من كثر ما مشتاك رايدلي جيّا
وكفت الامريكان حسبالي كيّا!
.............
حبك يبعد الروح غير كياني
اشرب عرگ بجفاك حسبالي راني!