نكات عراقية جديدة

***كردي اشترى لأمه عصفورين.. واحد طلع يغرد بس الثاني ساکت.. گلتله هذا ليش ساکت.. گلها هذا الملحن!

*** واحد اهله علموه الادب والاحترام.. كام يدك باب الثلاجة قبل ما يفتحها !
*** واحد عنده سرطان.. كال لابنه إذا متت كول للناس ابويه جان عنده ايدز..علمود امك محد يتزوجها!

*** غبي جيرانه أجنبي.. شافه الصبح شال ايده وكاله: كود مورننك.. جاوبه الغبي: مورننك كود. سألته زوجته شنو كتله.. كالها هو كلي السلام عليكم واني كتله وعليكم السلام!

*** حزورة: شنو الفرق بين الفنانة صباح وحزب الله في لبنان؟ الجواب صباح مسـّـوية عمليات أكثر!

*** أكو واحد محشش كال لصاحبه: شلون صحتك؟ كاله: إنت ماصحتني آني جيت!

*** كردي كاعد من النوم.. كال حلمت فات برجلي بسمار.. كاله صديقه صوجك.. ليش تنام حافي!

*** كردي سأل هندي كله: كاكا انتو شتسوون بالميت؟ كله: كاكا احنا نحركه.... وانتو؟ كله كاكا احنا ندفنه وربك يحركه!

*** أكو واحد محشش سألوه بسيطرة وهمية انت شسمك؟ كللهم عمر بس يدلعوني علاوي!

*** محشش سئلوه ماهو سبب عدم زرع التين بالارجنتين؟ اجاب قائلا :لانها من الدول اللا– تينية!

*** مجانين ثلاثة.. أثنين منهم يدكون ويركصون ..والثالث كاعد هادئ.. فتوقع الدكتور ان الثالث صار زين... فسأله ليش مدتركص وياهم؟؟ فأبتسم وكال: لا ما ترهم.. لأن آني العروسة!

*** فد تلميذ وكيح.. معلمته كالت له اذا تحسب من الواحد للمية ابوسك... قالها زين واذا إحسبت للألف تطلعين ويايه؟؟

*** اثنين محششين دايباوعون على الضوه مال الشارع.... واحد يكول هذا كمر.. والثاني يكول هاي شمس. مر من يمهم كردي سالوه هذا شمس لو كمر.. كال والله تعزروني آني مو من هازي المنطقة!

*** إمريّة ورجال ماعدهم شعر.. اتزوجو.. اجالهم ولد عنده شعرايتين.. سموه ابو كفشة!

*** حزورة: تبدأ بحرف العين تزرع في يوم واحد وتنبت في يوم واحد وتقطف في يوم واحد فما هي ؟!! الجواب: عبوة ناسفة (والله يصخم وج كل من يزرعها لأهل وطنه).

*** فد مرة إجتمع صيني وعراقي وكام كل واحد يتحدى الثاني بالانجازات والحضارة.. الصيني كلله للعراقي احنه عدنه سور الصين العظيم.. العراقي جاوبه وإحنه عدنه سرة البنزين العظيم!

*** واحد لوتي سألوه: امك حيه؟؟ گال لا عگربه.. گالوله: لأ يعني هيه عايشه؟؟ گال: لا خديجه.. گالوله: قصدنا عدله؟؟ گال: لعد قابل عوجه!

*** دليمية وگعت بالدرج.. إنفصخت رجلهه.. انطاهه الطبيب مرهم، گللهه حطيه على مكان الوگعه.. راحت حطته عالدرج!

*** واحد ناصرية يبجي على صديقه اللي مات.. سألوه إشعجب؟ قال سمعت البكاء يعذب الميت!

***مرة دليمي سجل اخته ببرنامج من سيربح المليون.. حتى يشوفهه تتصل بيا صديق!



***دليمي عزم كردي كلله: كاكا اني اليوم عازمك على دليمية.. الكردي كلله: بس بصراحة كاكا أنا ما يدوّر بنات!
*** واحد گال لصاحبه ما ظلت وحده بنفسي من البنات ما خلليتهه تركض ورايه.. گلله صاحبه: شچنت تسويلهن؟ گلله أبوك جنطهن !



*** وحده شافت زوجها يقرأ كتاب عنوانه (الرجل سيد المنزل).. قالتله: كوم يارجال شوف لك شغلة توكل خبز وجوز عاد من القصص الخيالية!

*** وحدة عصبية كالت لزوجها: ياريت ماخذه ابليس وما إبتليت بيك.. جاوبهه الزوج: لا عيني.... إنت تعرفين زين.. الأخ ميصير ياخذ اخته!

*** قزم و قزمة اتزوجو اجاهم ولد من طهروه خلص !!!!

وأخيرا إليك يا أيها القارئ العزيز نصيحة أخوية خالصة من القلب تعينك على نسيان المصايب أكثر من النكات:

إحتفظ دائما بصورة زوجتك في محفظتك وكل ما شفت أو سمعت بمصيبه.. طلعها واتمعن بيها حتى تتذكر أنو المصيبه اللي عندك اكبر من كل المصايب!

(أما إن كانت المتلقية قارئة فإن البركة هي في صورة زوجها المحروس!)