الباء بات الحزن والآه والحيره
والغين غزو وقتل يايمه بالديره
والدال داء ومرض والطلقه بصديره
والألف آه وحزن والدمعه على الغيره
والدال الاخيره صفت مفتره فريره
بغداد هيچي صارت يالسامع الابيات
بغداد چانت گبل لا دمع لا ونات
كراده خارج هلا وشحلوه البنيات
ومنصور واگف جبل مابيه أثر طعنات
والكرخ يم النهر ويا الرصافه ايبات
وباب المعظم دوه والكاظم الوصفات
والدوره امي انا والغزل والصفنات
وزيونة مكان الرقة والجمال والكعدات
خمس أسامي ذهب تخلي الوطن جنة
دجلة وفرات العذب والشيعة والسنة
وخامسهم المسيحيين الويانه بالمحنه