منتدى بغداد
اهلا وسهلا بك اخي الزائر منتدى بغداد يرحب بك اذا لم تكن مسجل نرحب بك في اسرة المنتدى اهلا وسهلا بك
منتدى بغداد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى بغداد

عرض اخر الاخبارالسياسيه والعربيه والفنيه و التعارف
 
الرئيسيةالبوابةالتسجيلدخول

 

اهلا  وسهلا بكم في منتدياتكم منتديات بغداد

بحـث
 
 

نتائج البحث
 
Rechercher بحث متقدم
المواضيع الأخيرة
» ايوان اغاسي مثلج
ألشكوى لغير الله مذلة Icon_minitimeالخميس يوليو 29, 2010 11:38 am من طرف AL7LWA

» هــــــــــــــل سمعتم هذه ألأغنيه من قبل " ديكا كثيثه
ألشكوى لغير الله مذلة Icon_minitimeالخميس يوليو 29, 2010 11:08 am من طرف AL7LWA

» قصة حقيقية عن اشتراك السلطات العراقية والكردستانية والعشائر العربية في ظلم مسيحي عراقي
ألشكوى لغير الله مذلة Icon_minitimeالثلاثاء مايو 04, 2010 5:52 pm من طرف مدير المنتدى

» الكتب العربية
ألشكوى لغير الله مذلة Icon_minitimeالأربعاء أبريل 28, 2010 7:46 am من طرف chris

» إيران قررت: الحكومة البديلة يختارها (الطالباني والمالكي والائتلاف الوطني)
ألشكوى لغير الله مذلة Icon_minitimeالأربعاء مارس 31, 2010 5:20 pm من طرف مدير المنتدى

» جاء اياد علاوي في الوقت المناسب
ألشكوى لغير الله مذلة Icon_minitimeالثلاثاء مارس 30, 2010 7:46 pm من طرف مدير المنتدى

» حقائق عن الدكتور اياد علاوي - القائمة العراقية 333
ألشكوى لغير الله مذلة Icon_minitimeالثلاثاء مارس 30, 2010 7:42 pm من طرف مدير المنتدى

» النصرانية ليست مسيحية ياسادة
ألشكوى لغير الله مذلة Icon_minitimeالإثنين مارس 08, 2010 2:37 pm من طرف chris

» قبل اعلان نتائج الانتخابات.. طالباني يرشح نفسه لرئاسة الجمهورية
ألشكوى لغير الله مذلة Icon_minitimeالإثنين مارس 08, 2010 10:50 am من طرف مدير المنتدى

» اشاعة تروجها استخبارات المالكي مفادها فوزه بالانتخابات
ألشكوى لغير الله مذلة Icon_minitimeالإثنين مارس 08, 2010 10:45 am من طرف مدير المنتدى

» مقابله حصرية مع الجنرال الشهواني في الاردن
ألشكوى لغير الله مذلة Icon_minitimeالجمعة مارس 05, 2010 10:57 am من طرف مدير المنتدى

» من اجمل ماقرات من الحكم
ألشكوى لغير الله مذلة Icon_minitimeالسبت فبراير 27, 2010 12:27 pm من طرف chris

» أطرف واغرب الإخبار العالمية
ألشكوى لغير الله مذلة Icon_minitimeالسبت فبراير 27, 2010 12:21 pm من طرف chris

» مستقبل الاسلام
ألشكوى لغير الله مذلة Icon_minitimeالثلاثاء فبراير 23, 2010 11:58 am من طرف chris

» نصبا قوس النصر والوحدة الوطنية يخضعان للاجتثاث
ألشكوى لغير الله مذلة Icon_minitimeالأحد فبراير 21, 2010 1:16 pm من طرف chris

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
>
<">






 ----جميع الحقوق محفوظة لمنتدى بغداد----
ألشكوى لغير الله مذلة Hurraقناة الحرة Alhurra Tv
Click for Göteborg, Sverige Forecast
اغنيه نانسي لكاس العالم

 

 ألشكوى لغير الله مذلة

اذهب الى الأسفل 
كاتب الموضوعرسالة
chris
مشرف
مشرف
chris

عدد المساهمات : 439
تاريخ التسجيل : 13/08/2009

ألشكوى لغير الله مذلة Empty
مُساهمةموضوع: ألشكوى لغير الله مذلة   ألشكوى لغير الله مذلة Icon_minitimeالجمعة أغسطس 21, 2009 2:32 am

ألشكوى لغير الله مذلة

اخواني و اخواتي

السلام عليكم ورجمة الله وبركاته

من الفئه الباقيه في بغداد ولم تهاجر او تذهب الى بلد شقيق او تجد ابعد مكان عن بغداد ...لتأمن على افرادها ..بقيت وعائلتي في بغداد الحبيبه حبا بها اولا وكرها لتركها ثانيه وخوفا من المجهول خارج اسوارها وخاصة لم يكن لي ما يؤمن المعيشه في بلاد الغربه او حتى الوصول اليها ولكم اقولها امانة في عنقي ....كيف نعيش في...بغداد الان

1- الدخل الشهري : ما يكفي لعائلة من خمسة افراد وطفل ان تعيش في بغداد الان هو بين 800000 اي حوالي 700$ الى 1100000 اي حوالي 950$ وهو ما يكفي طعاما فقط (كيلو اللحم 12000 بس) (اقل فاكهه 2000)

2-السكن : اذا لم يكن للعائلة ماوى فحاجتها الى ما بين 600000 اي حوالي 500$ الى1000000 اي حوالي 900$ شهريا

3-الكهرباء : في اوقات الصيف تحتاج العائله ما بين 250000 اي حوالي 200$ الى 400000 اي حوالي 340$ وهي الكهرباء الماخوذه من مولد الشارع من الساعة الثانية ظهرا الى الساعه السادسة صباحا علما ان كهرباء الوطن هي اربع ساعات متقطعه يوميا(متفيد حته ابو الشاميه)

4- النقل والبانزين (تنباك بالبانزين خانه لو تطلع نخله براسك وتطلع انته الممنون) لملء الخزان تحتاج ما بين 30 الى 50 دولار ويكفي لاسبوعين (هاي بدون مولده البيت الاحتياطيه اذا عالبانزين)واذا لم تكن لديك سياره (اكيد لازم تبريد) فالنقل الخاص مع كثرته بدون رقابه(اذا تريد تروح من البياع ل باب المعظم روحه وجيه تحتاج 5000 واذا تكسي 18000)

5-الوضع الامني: حالنا حال كل العالم مع فارق بسيط(حييييييل)وهو ان القانون عباره عن اجتهادات شخصيه(من المرور والحرس الوطني)(بحيث انته اذا مشغل تبريد وتوصل يم السيطره لازم تنزل الجامه باعتبار احترام حته لو ميوكفوك ويطير الهوه البارد من السياره ......وبما انه كل 200 متر سيطره فماكو داعي تشغل تبريد اصلا )اما بالنسبه للوقوف قرب الرصيف وشراء سندويج فلافل مثلا فممنوع منعا باتا(تخيل صارت المطاعم كلهه تيك اوي ....يعني تطور مو طبيعي) واذا اردت انزال شخص من السياره مثلا فيجب ان ينزل خلال 3 ثواني(مثل لعبة السله ممنوع اللاعب يلزم الطوبه اكثر) والا وجدت نفسك محاطا ب(عشيره) من المرور(القفاصه) والحرس الوطني(رجال القانون) لينهالو عليك بالشتائم. واما اذا عطلت السياره(ما اتمناهه للعدو)فيجب عليك دفعها حتى لوكنت لوحدك الى اقرب شارع فرعي(متروس جذوع نخل وميخلوك توكف وانته تخيل)لتجد اصحاب البيوت يقفون للك بالمرصاد وبكل احترام(اخويه طلعهه منانه حته لو عاطله تره اخابر على 130 وافوتك ارهاب)بحيث لا يمكن ان تعرف ما سيحصل(كلشي بعلم الله)واذا وافق مشكورا فيجب عليك ان (تنفض السياره نفض كدامه).اما عن طريقه الانتقال من منطقه لاخرى فيجب عليك السؤال كيف اذهب الى تللك المنطقه لانك دوما تفاجىء بتغيير مكان الدخول الى تللك المنطقه وهي من مستلزمات الخطه الامنيه(كل منطقه مطوقه بسياج كونكريتي خاص بها وتحتوي على منفذ دخول واحد وخروج واحد وهي طبعا لتعويد العراقيين اولا على البيت الواحد وثانيا على السجون)

6-المقاهي والملاهي (رجعت وكلش متونسين)عادت بحريه ومحلات المشروبات الكحوليه التي تبيع افخر انواع المشروبات من الفودكا والويسكي وبكل الانواع وباسعار قد تصل ال 200$. اما الملاهي فعادت وباستثمار اوسع اذ يدر الملهى (مال واحد صديقي) ما يقارب ال3000 الى 5000 دولار يوميا وخاصة اذا احتوى على عدد جيد من الجميلات العاملات للرقص واغراض اخرى..... (بالعراقي الكيوليات)

7-المعاملات :يكفيك 400 دولار للحصول على جواز و200 دولار لهويه الاحوال و200 لشهادة الجنسيه ومبلغ 20 دولار رشوه لاقل موظف ليقوم بعمله مثل التوقيع او تمشيه المعامله اصوليا واما ان لم تكن المعامله اصوليه(هاي اللي الله كتبهه عليك) فالفارق هائل قد يصل الى 2000 دولار

8- السيارات:لحد الان لم يتم تسجيل السيارات الداخله الى العراق بعد السقوط رسميا(نسميهه منفيس)وتكون ذات رقم اسود (والشغله تايهه)اما اذا اردت ادخال سياره حديثه الان فتحتاج الى 5000 دولار على الاقل لتسقيط سياره وتسجيل الجديده ( ومو باسمك باسم صاحب المنفيس) حيث وصل سعر الرقم الابيض الى 3500 دولار (وماكو) والرقم الاصفر الى 5000 دولار. واذا اردت شراء سياره من الشركه العامه ل (يكولون ل عمار الحكيم)سيارت فيطلع الحساب يك حساب والسياره بدون مواصفات تذكر(البيجو موديل محركهه 67) والقياس للقارئ الكريم

9- البيوت والاراضي مرت بمرحله وصل سعر بيت في منطقة الري الى عشرة الاف دولار اما الان فمتر الارض بناء بين 800 دولار الى 2000 دولار والفارغه بنصف القيمه(والبيوت كلهه مشاع يعني حصص ونادر متلكه بيت تشتري كل الورثه موجودين لان اكيد واحد مهم انعلس)

10-العلاج والمستشفيات(احسنلك متتمرض وتموت بمفخخه عالسريع)لان العلاج فاشل وشركات الادويه هي من اسوا الشركات في العالم والاطباء جيدين (بس شلون يخيط الخياط بس بالابره)مع هروب العديد منهم خوفا من الخطف وليس القتل(اكيد هذا الطبيب عنده هواي فلوس .....وشكرا)

11-الاعلام حر ومقيد في نفس الوقت حاله حال الطفل ان صرخ فيجب لطمه وان تكلم فيجب ان لا يتكلم كثيرا وان خرس فالاحسن له

12-المسؤلين :بعد ست سنوات (كل من جلس على كرسي المسؤليه فهو حرامي 100 بالميه وابو النخله والفسفوره)كل يسرق من موقعه سواء من رواتب لموظفيين وهميين اوارضا كانت للدوله او طلب شراء لمواد تحتاجها مؤسسته(مثل مؤسسة السجناء السياسيين والشهداء وغيرها وغيرها والقصص توكف العقل....اذا مو ضعف فلوسه ميشتروهه) وموائد الغداء (مثلا مائدة غداء وزير الدفاع(ليس هو فقط المقصود لكن اللي اعرف شي عنه) تصل الى 25000000 اي 20000 عشريييين الف دولار يوميا!!!!!!!!!!!!!! (قابل الاكل مستورد من المريخ ومستوي بالشمس وخاليله بهارات من القمر) وسقط وزير او مسؤول ليجد الكرسي نفسه فارغا ومرتاحا لبضعة ايام لياتي الاخر (ويطلع اضرب بميتين مره) وعلى هذا المنوال (صار ست سنين) واما عن افراد الحمايه في الشارع في مواكب المسؤلين(فدير باللك توكف كدامهم تره تروح قضية ارهاب)فبلا اخلاق اصلا وبلا اسلوب اساسا(مره اجه وزير الكهرباء على محل براس شارعنا ...وكف بنص الشارع هوه والموكب مالته وسدو الشارع ونزل الافندي على محل فاتح كلوبات كومه واضويه اناره وتبريد ...فات للمحل سلم ..همزين...كله لابو المحل هاي ليش فاتح هلكد اضويه....ابو المحل انصدم جاوبه كله اني مشغل المحل من المولد الشخصي مالتي....الوزير بكل عين وقحه كله واذا تجي الوطنيه تطفي شي ابو المحل كله ليش اطفي وهيه تجي ساعتين باليوم.....الوزير كله انته دافع الورقه مال الكهرباء...ابو المحل طلعهه وشوفهه للوزير ...اي دافع....الوزير الخوش ادمي اندار عالحمايه مالته كلهم اقطعو كيبل الكهرباء الوطني مال هذا المحل!!!!!!!!!!!!!!!!!!!!!!!!) وهذي الحادثه حصلت امامي( وانتو قيسو عالمسؤؤل العراقي ابن العراقي)
الرجوع الى أعلى الصفحة اذهب الى الأسفل
 
ألشكوى لغير الله مذلة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بغداد :: منتدى الكتب ومقالات وبحوث-
انتقل الى: