الي يدري يدري والي مايدري سويله مس كول

مشرف عدد المساهمات : 439 تاريخ التسجيل : 13/08/2009

الي يدري يدري والي مايدري سويله مس كول

شبكة المنصور

شلش العراقي

الله يساعدكم ، بصراحة اكثر سالفة تخليني مسودن ومخبل ومجنون ويطبك عندي الحار وي البارد وتضرب كل فيوزات عقلي هاي اذا باقي عندي فيوز سليم من يلعب الحرامية دور الشرفاء ، لان الحرامي حرامي لو غسلته بالتراب سبع مرات ، طبعا الحياة بيهه ثوابت وهم بيهه متغيرات ، المتغيرات ماعلينه بيها يرادلها حجي وفلسفة وتصفيط هواي تعالوا نحجي على ثوابت العراق هسه ، وليش ندوخ نفسنا بالثوابت والمصطلحات تعالوا نحجي عن اهم حقيقية بالعراق الجديد المسلفن الي بالباكيت والمستورد بعد انتهاء مدة صلاحيته ، اكيد دختو وياي ، الثابت الوحيد في الحكومات المتعاقبة على هذا الوطن المبتلى انهم كلهم حرامية وقفاصه وعلاسه هاي طبعا قضيه ما يختلف عليها الشعب واليوم جايبلكم قصص من زمن اللصوص ودك عيني دك

عزوز : عبد العزيز الحكيم عباله العراق مال الخلفوه ياخذ من خيره ويتصدق على ولد المعزايات يعني ابن الطراك عباله هو متفضل على العراقيين وان كل مشروع يصير او حتى راح يصير طالع من جيب الخلفوه وهو ابو جهرت الزفره اقذر من أن يكتب فيه الكاتبون ، يكلك مره مسافر وي البقرة الضاحكة ( الطلباني ) وابنه الكتكوت وجان الطيار من الناصرية ، فكال عزوز عمار شنو رأيك اشمر 100 دولار فوك الناصرية وبيها صورتي اكيد راح يلكاها فلاح ويحجي بكل الناصرية عن كرمي ، كله عمار مولاي شنو رأيك نصرفها خمسينتين ويستفاد من الموضوع فلاحين ، كله خوش فكره ولك اني من زمان اكول عنك يهودي وكبل ما يشمر ابو عمامة القذرة الدولارات مال الخلفوه كله الطلباني كاكا يك دقه شبيك مخبل صرف المية دولار عشرينات وخلي الناس تستفاد فضحك المسرطن وكال جا والعباس جبتها عمار نفذ الي يكوله الكاكا هو تره مرات يصير يفتهم ، الطيار طكت حوصلته فكال مولانا انت ليش ما تشمر نفسك من الطيارة وبهيجي راح تفرح 30 مليون عراقي ودك عيني دك

صولاغ : يكولون والعهده والمسؤولية على ناقل الحجاية والسالفه أنّ صولاغ سافر إلى إيطاليا في زيارة عمل (او زيارة خمط ) فقابل خلال الزياره نظيره الإيطالي وعقدا اجتماعاً بحثا فيه (العلاكات ) بين البلدين وبعد المباحثات واللقاءات الرسمية دعا المضيف الإيطالي صولاغ لتناول الغداء في قصره وسط روما دخل صولاغ ابو الدريلات القصر وجلس مندهشاً من جمال وفخامة القصر وأثاثه الغالي الثمن فسأل الوزير من أين لك هذا !
تبسم الوزير الإيطالي : ثم فتح النافذة وقال : السر هنا , أنظر إلى هذا الجسر ، نظر الوزير العراقي بإعجاب وقال : جميل , ولكن ما سر هذا الجسر !؟ ضحك الوزير الإيطالي وقال : تم رصد 10 مليون يورو لتشييده وتم بناؤه بمبلغ 5 مليون يورو فقط
مرت الأيام والسنين , دعا صولاغ صديقه الوزير الإيطالي ( السابق ) لزيارة العراق وبعد الإستقبال وكرم الضيافة في صالة المطار دعى معاليه ضيفه إلى قصره الجديد وسط العاصمة وصل الضيف الإيطالي ووقف بذهول ينظر إلى مساحة القصر الشاسعة والمزارع المحيطة به ومئات الخدم والعاملين فيه ثم نظر بوجه تعتريه الدهشة وقال : ماهذا أووووه ماي كاد ! تبسم صولاغ الحرامي ودعى ضيفه لرؤية القصر من الداخل ، الأثاث المطلي بالذهب واللوحات الفنية النادرة وقصر لم يرى الضيف مثله في حياته ،تأوه الضيف الإيطالي وسأل الوزير : من أين لك كل هذا ؟ ، فتح النافذه معالي الوزير وقال : السر هنا , أنظر إلى هذا الجسر ؟ نظر الضيف الإيطالي ثم رد مستغرباً : أين هو ؟؟؟ !!! قال صولاغ بإبتسامة تملؤ محياه : أنظر مرة أخرى , وإمعن النظر رد الضيف الإيطالي بحدة : ويييييييييين الجسر !! ( ماكو جسر ) ، ضحك صولاغ وقال : تم رصد مليار دولار لتشييده ( وماسويناه ) ودك عيني دك

برلمان الحرامية : هنا ما راح اعلق بس راح اخلي الارقام تحجي ، راتب النائب في البرلمان بحدود( 30000 ) ألف دولار ويصل إلى ( 40000 ) ألف دولار بإضافة راتب الحماية الشخصية وعددهم ( 30 ) شخصا وكذلك مصروفات الطعام والايفادات ( سم وزقنبوت ) ، يعني السالفه شهريا توصل بس رواتب الأعضاء مع حماياتهم (11000000 ) احد عشر مليون دولار ، خوش حجي بالسنة الوحدة ياغاتي الرواتب تساوي (132000000) مائة واثنان وثلاثون مليون دولار ( جيبه ) ، وخلال دورة برلمانية واحدة راح ينطي البلد للبرلمانيين فقط ( النوب يكلي فقط ليش هو ظل شي بعد ) ما مجموعه ( 528000000) خمسمائة وثمان وعشرون مليون دولار ، هذا طبعا احنه غلسنه على رواتب مجلس رئاسة البرلمان ويصل إلى ( 50000) ألف دولار للشخص الواحد وهم غلسنه على فلوس المنافع الاجتماعية الي الله وحده يعرف شكد توصل يعني الحجي المصفط حلو يا جماعة والحسبه نهايتها انه عضو البرلمان يتقاضى وحد سنوياً( 360000 ) ثلاثمائة وستون ألف دولا ( قزالقرط ) يعني خلال دورة برلمانية رواتبه توصل إلى (1440000) مليون وأربعمائة وأربع وأربعون ألف دولار ، خل ياكلون مادام خالهم طيب خوش حجي بالعافية على بطونهم وبطون الخلفوهم لان همه قادة الامة من طاح حظ هيجي قادة ،

زين شنو رأيكم نعيد توزيع الفلوس علىنا احنه ابناء الشعب شنو رأيكم بشرفكم مو فكرة تخبل ، تعرفون شكد حصة الواحد الفرد الواحد ( 13. 2) دولارا أما توزيع مجموع الرواتب(مع الحمايات وحمالات الصدر والستيانات) سيصل تلك الحصة إلى (17.6 ) دولارا ، إذا هذه مثل ذيج لا خوش بطه وخوش ديج ، خليني اكمل لا تكطعون سالفتي لان ابو المثل يكول او ماكو داعي اكمل كلكم عرفتوه هذا ابو المثل سرسري لانه نائب بالبرلمان ، راح اكمل العراق يصدر شهرياً (1000 ) برميل من النفط لسداد راتب نائب واحد وبهذا فأننا نخصص ( 275000) برميل نفط شهريا فقط لسداد رواتب الأعضاء النواب (خوش بطة ) بخيرهم ماخيّروني وبشرهم عمّوا عليّة ، وسنويا حصة النائب الواحد ستصل إلى( 12000 ) برميل وخلال أربع سنوات ستصل حصته إلى( 48000 ) برميل ناس تاكل دجاج وناس تتلكه العجاج هذا على فرض أن سعر برميل النفط العراقي يبلغ (30 ) دولارا وفي الواقع أن العراق يبيع نفطه بأقل من هذا السعر تعرفون العالم يعيش ازمة مالية والسادة المعلوسين يحبو يتبرمكون يفلوس الخلفوهم ،

هذا الرقم يعادل إنتاج حقول مجنون من النفط في اليوم الواحد أي أننا سنخصص واردات حقول مجنون لسداد رواتب الإخوة النواب لمدة( 275 ) يوم مليوصة يا حسين الصافي وإذا أضفنا الحمايات سيصبح كل إنتاج حقول مجنون من النفط خلال سنة كاملة لتغطية رواتب البرلمانيين لدورة مصخمة واحدة ( شني عمي فرهود خوما فرهود ) وخلال دورة برلمانية واحدة يكلفنا البرلمان ( 17600000) برميل نفط (سبعة عشر مليون وستمائة ألف برميل) ويعادل تصدير العراق لمدة( 11.73) يوم ( جيبه ) نرجع لاولاد المعزايات ، يتعين حامل شهادة البكالوريوس براتب يصل إلى( 400 ) دولار شهريا أي أن راتب نائب واحد يعادل راتب (75) موظف شهريا، ومجموع رواتب الأعضاء يعادل راتب( 20625) موظفا ، هذا العراقي سيكون أسرة فيما لو تعين بهذا الراتب، أي إن رواتبهم تعادل إنشاء أكثر من عشرين ألف أسرة عراقية ، بإضافة رواتب الحمايات يزداد هذا الرقم بمقدار (8250) ، اشتعل صفحتك المالكي ولك جاي تقره لو مغلس ،وزارة التعليم العالي أعلنت أن دراسة طالب البعثات كي يحصل على شهادة الدكتوراه من الخارج تكلفها حوالي( 200) مليون دينار عراقي ،

وبحسابات بسيطة يعادل مجموع رواتب الأعضاء كل شهر تكاليف (46.11 ) طالب بعثة دراسية لمدة أربع سنوات أي خلال دورة برلمانية ستصرف رواتب تعادل تكاليف( 553.38) من طلبة البعثات للحصول على الدكتوراه ، ويمه نتلني الأوتي صوجي لعبة بوايره ، ميزانية وزارة التعليم العالي والبحث العلمي لهذا العام بحدود (200 ) مليون دولار أي ان مجموع رواتب الاخوة النواب لا اطال الله يعمرهم في سنة واحدة تشكل حوالي 70% من ميزانية وزارة تشرف على اكثر من عشرين جامعة ، ساعة النائب الواحد سعرها (41.11) دولار وهي تعادل يومية ثلاثة من عمال البناء ( وخلفه زيادة فوك البيعة ) ، أي ان راتبه اليومي يعادل اجرة( 72) عامل بناء ، ويعتبون على المفخخة الي تحصد ارواح العمال بالمسطر وهمه يحصدون ارواحنه يوميا لان قطع الاعناق ولا قطع الارزاق ، الأزمة المعاشية والضنك المادي جعل الشباب ما يتزوجون ، لان خيرهم ما عنده فلوس باكيت جكاير والزواج يرادله اقل شي أربعة الآلاف دولار ، راتب الأخ النائب ابن النائب أو الأخت النائبة بلا فشار شهرياً يغطي نفقات سبعة زيجات ونص أي أن مجموع رواتب الأعضاء دون حماياتهم خلال شهر يكفي( 2062.5) شاب لكي يتزوج وخلال سنة فأننا نستطيع تزويج ( 24750) شخص وخلال دورة برلماني سيصل العدد إلى (99000) متزوج في الحد الأدنى ، وكل خميس ونوابنا اللامحترمون بعزه وصخام ودك عيني دك .